ඔයා පිළිගන්න අකමැති උනත් ඔයාගේ වාහනයේ ඔඩෝමීටරය (Odometer) 100,000 විතර පැන්නට පස්සේ වාහනය ‘පරණ වාහනයක්’ බවට පත් වෙනවා. නැත්නම් ඔයා පාවිච්චි කරලා වෙන කෙනෙක්ට දුන්නත් වාහනය පරණයි කියලා සැළකෙනවා. ඒත් වාහනය කොච්චර පරණ උනත් වාහනයේ වටිනාකම සහ වාහනය එක්ක තියෙන බැඳීම අඩු වෙන්නේ නැහැ. ගොඩක් වෙලාවට ඒක වැඩි වෙනවා. ඒකනේ, අපි පරණ යාලුවෝ ගැන වැඩියෙන් සැළකිලිමත් වෙන්නේ. සමහර අවස්ථාවන්වල වාහනයේ ලෙඩක් නැත්නම් දෝෂයක් තියෙනවා කියලා අපිට අඟවන්න වාහනයට බැරි වෙනවා. ඒත් නිතරම වාහනය චෙක් කරන එකෙන් සහ නිවැරදි නඩත්තුවකින් පුලුවන් වාහනයේ ලෙඩ මොනවද කියල අඳුනගෙන ඒවට නිවැරදි පිළියම් යොදලා වාහනය අළුත්ම වාහනයක් වගේ පාවිච්චි කරන්න.
- ඔයිල්/ දියර (Liquids)
මූලික වශයෙන්ම ඔයාගේ වාහනය ගමන් කරන්නේ විවිධ දියර සහ ඔයිල් වර්ග නිසා. එන්ජින් එකේ නිරෝගී බව සහ ක්‍රියාකාරීත්වය තීරණය වෙන්නේ මේ දියර වර්ග මත. ඉතින් මේ දියර සහ ඔයිල් නියමිත කාලයෙදි මාරු කරන එක අනිවාරයෙන් කරන්න ඕනේ දෙයක්. මේ දියරවල වර්ණය අපිට ගොඩක් දේවල් කියනවා. ට්‍රාන්ස්මිශන් දියර පැහැදිලිව තියෙන්න ඕනේ. බ්‍රේක් ඔයිල් නම් කහ පැහැයට හුරු තද වර්ණයක් ගන්න ඕනේ. කූලන්ට් වලට නම් පාට අදාළ වෙන්නැහැ. වර්ණය මොකක් උනත් හරියට බලලා මාරු කරන්න ඕන දෙයක් තමයි කූලන්ට්. එන්ජින් ඔයිල් සහ ඔයිල් ෆිල්ටර්ස් මාරු කරන එක කල් දානවා කියන්නේ වාහනයේ හදවත වගේ තියෙන එන්ජින් එක අනතුරේ දාන එක.
- සස්පෙන්ශන්ස් (Suspensions)
ඔයාගේ වාහනයේ සස්පෙන්ශන් වලින් නොහිතන විදියේ පුදුම කිරීම බලාපොරොත්තු වෙන එක හොඳ දෙයක් නම් නෙමෙයි. සාමාන්‍යයෙන් සස්පෙන්ශන්ස් ගෙවෙන්න සහ හානි වෙන්න ආසන්න වශයෙන් අවුරුදු දෙකක් යනවා. ඒක නිසයි අවුරුදු දෙකකට සැරයක් වීල් එලයිමන්ට් සහ සස්පෙන්ශන්ස් චෙක් කරගන්න කියලා නිර්දේශ කරන්නේ. ඒත් ඔයා අසාමාන්‍ය විදියට රේස් කරනවා නම් සහ බ්‍රේක් කරනවා නම් සස්පෙන්ශන්ස්වල තත්වය ඊට වඩා ගොඩක් වෙනස් වෙන්න පුලුවන්.ටයර් වල හුළං හරි මට්ටමට වඩා අඩු/ වැඩි උනොත් ටයර් නිසා සස්පෙන්ශන් පද්ධතියට සහ ස්ටියරින් පද්ධතියට බලපෑම් ඇති වෙන්න පුලුවන්.
- බෙල්ට් (Belts)
සාමාන්‍යයෙන් අමාරුම ප්‍රශ්න ඇති වෙන්නේ ලේසියෙන්ම බලාගන්න පුලුවන් දේවල් වලින්. වාහනවලත් ඒ හැටි වෙනසක් නැහැ. වාහනවල එහෙම දෝෂ ඇතිකරන්න පුලුවන් කොටස තමයි බෙල්ට්ස්. වාහනයේ මැනුවල් එක ඔබට මතක නම් ඒකේ සඳහන් වෙලා තියෙනවා කොච්චර දුරකට/ කාලයකට පස්සෙද වාහනයේ සර්පන්ටයින් බෙල්ට් එක සහ ටයිමින් බෙල්ට් එක මාරු කරන්න ඕනේ කියලා. මැනුවල් එක හොයාගන්න නැත්නම් ඔයාට පුලුවන් එක්කෝ විශේෂඥයෙක්ගෙන් අහලා දැනගන්න එහෙමත් නැත්නම් ඉන්ටර්නෙට් එකෙන් බලන්න. හොඳ මැකෑනික් කෙනෙක්ට පෙන්නුවොත් එයා කියයි මාරු කරන්න කාලේ ඇවිත්ද නැද්ද කියලා. ඇයි මේ බෙල්ට්ස් මෙච්චර වැදගත් කියන ප්‍රශ්නේ ඔයාට හිතුනද? එන්ජින් එක සුමුදුව වැඩ කරන්නේ මේ බෙල්ට් වලින්. එන්ජින් එකෙන් නිපදවන බලය විවිධ පද්ධතිවලට අරන් යන්නේ මේ බෙල්ට් වලින්. ඉතින් මේ ගැන හරියට සැළකිලිමත් උනොත් ලොකු පාඩුවක් සහ හානියක් වළක්වගන්න පුලුවන්.
- ප්ලග් (Plug)
වාහනය භාවිතා කරපු වාර ගණන සහ කාලය වැඩි වෙන්න වැඩි වෙන්න ස්පාර්ක් ප්ලග් වල තත්වය දුර්වල වෙනවා. එක්කෝ ඒවා ගෙවිලා ගිහින් එහෙමත් නැත්නම් විවිධ සංඝටක වලින් වැහිලා ගිහින්. ඔයාගේ වාහනයේ අධික විධියට ඉන්ධන දහනය කරනවා කියන්නේ ස්පාර්ක් ප්ලග් ගැන හොයලා බලන්න ඕනේ කියලා දැනුම් දීමක්. ස්පාර්ක් ප්ලග් නොසලකා හැරියොත් වෙන්නේ ඔයා හිතන්නෙවත් නැති වෙලාවක වාහනයේ බ්‍රේක් ඩවුන් එකක් වෙලා ලොකු ගාණක් වියදම් කරන්න වෙන එක. ස්පාර්ක් ප්ලග්ස් මාරු කරන එක එච්චර ලොකු වියදමක් යන සහ අමාරු දෙයක් නෙමෙයි කියලා දැනගත්තම ඔයාට අපරාදේ නේද කියලා හිතෙයි. පසුතැවිලි වෙන්න ඕනේ නැත්නම් පුලුවන් වෙලාවේ ගිහින් වාහනයේ ස්පාර්ක් ප්ලග්ස් චෙක් කරගන්න.
- වාහනයේ පිටත පෙනුම (Outer Appearance)
වාහනයේ ඇතුළ ගැන, ක්‍රියාකාරීත්වය ගැන සැළකිලිමත් වෙනවා වගේම වාහනයේ පිටත පෙනුම ගැනත් අපි ගොඩක් වද වෙනවා. නිතරම වාහනය සෝදන එකෙන් සහ වැක්ස් කරන එකෙන් ඔයාගේ පරණ වාහනයේ බොඩියේ මළකඩ වගේ එක එක දේවල් බැඳෙන එක අවම වෙනවා. වාහනය ඇතුළත හැළෙන/ වැටෙන දේවල් ඉක්මණින් පිරිසිඳු කරන එක සහ නිතරම වැක්‍යුම් කරන එකත් තව හොඳ පුරුද්දක්. කැබින් එයාර් ෆිල්ටර් එක මාරු කරන එකෙන් වාහනය ඇතුලත හොඳ සුවඳක් තියාගන්න පුලුවන්. සීරුම් පාරවල් වලටත් පොඩි රෙපෙයාර් එකක් කරලා වාහනය අලුත්ම පෙනුමකින් තියාගන්න පුලුවන්.
ඔයාගේ පරණ වාහනය නිතරම දෝෂවලට ලක් වෙනවා නම් වාහනයේ වයසට බනින්න එපා. මොකද ඇත්තම හේතුව හොඳ මැකෑනික් කෙනෙක්ට අඳුරගන්න පුලුවන් පොඩි දෙයක් වෙන්න පුලුවන්. අද අපි ඔබට කිව්වේ සරලම නඩත්තු උපදෙස් කිහිපයක් විතරයි. ඒත් අවශ්‍ය වේලාවට විශේෂඥ සහය ගන්න එකෙන් ඔයාට ලොකු පාඩුවක් පොඩි වියදමකට සීමා කරගන්න පුලුවන්.
|
ලින්ක් එකතුව
- වාහනයක් search කරන්න – careka.lk search click here
- ඉදි‍රියටත් ආටිකල් කියවන්න ෆලෝ කරන්න – careka.lk FB page click here
- මයිලේජ් පිලිබඳ ලිපිය(ඉන්ධන කාර්‍යක්ෂමතාවය වැඩි කර ගන්න) – Click Here
- වාහන විකිණීම ගැන ලිපිය – Click Here
- careka.lk Facebook Group – Click Here
මේ ආටිකල් එක ගැන ඔබට හිතෙන දේ කමෙන්ට් එකක් දාල යන්න අමතක කරන්න එපා 🙂
|
ඔයාලත් වාහනයක් ගන්න හරි විකුණැන්න හරි ඉන්න්වනන් careka.lk එකෙන් ලේසියෙන් කිසිම අමතර ගාස්තුවක් නැතුව වැඩේ කරගන්න පුලුවන් – දැන්ම වෙනස බලන්න. CLICK HERE
👍👌💯
Thanks 😊