වාහනයක් ගන්න එක වගේම නඩත්තු කරන එකත් එච්වර ලේසි පහසු දෙයක් නෙමෙයි. තෝරලා බේරලා, තමන්ගේ උවමනා එපාකම්, බජට් එක හැමදේම බලලා වාහනයක් ගන්න එක වැදගත්. ඒ වගේමයි ආසාවෙන් හරි විදියට වාහනේ නඩත්තු කරන එකත් ඒ වගේම වැදගත් දෙයක්. වෙනස් වෙන තාක්ෂණය එක්ක වාහනේ සංකීර්ණ බව වැඩි වෙද්දී තමන්ගේ වාහනේ හරියට රැකබලාගන්න එකේ අමාරු ගතිය වැඩි වෙන්න පුළුවන්. ඒක නිසා මේ අත්දැකීම මුල්ම වතාවට අත්දකින වාහන වලට නවක ඔබ වෙනුවෙන්ම මූලික සහ වැදගත් කරුණු කිහිපයක් අපි ඉදිරිපත් කරනවා.
-
වාහනේ මැනුවල් එක
වාහනේ ගැන උපදෙස් සහ තොරතුරු අඩංගු පොත තමයි මැනුවල් එක කියලා හඳුන්වන්නේ. මේක නිතරම වාහනෙත් එක්ක තියාගන්න. මොකද මොන වගේ වෙලාවක මැනුවල් එක උවමනා වෙයිද කියලා කියන්න අමාරුයි. මේ ප්‍රශ්නෙට විසඳුමක් විදියට ගොඩක් නිෂ්පාදකයින් විද්‍යුත් පිටපතක් නිකුත් කරනවා. ඒත් ෆෝන් එකේ බැටරිය සහ ගමන් කරන්නේ සිග්නල් අඩු ප්‍රදේශයක නම් මේ මුද්‍රිත පිටපත තමයි පිහිටට ඉන්නේ.
-
සහයක වෙබ් පිටු
වාහන වල ප්‍රශ්න සහ ඒවට විසඳුම් ලබා දෙන්න උදව් වෙන වෙබ් අඩවි සහ මොබයිල් ඇප් තියෙනවා. මෙහෙම ඒවා ෆෝන් එකේ හරි ටැබ් එකක හරි ඕපන් කරලා තියාගන්න. වාහන වලට ඔබ අලුත් නිසා මේ වගේ වෘත්තීමය වෙබ් අඩවියක සහය ගන්න එක ලොකු උදව්වක් වේවි. මොකද පැය 24ම ඕන තැනකදී ඔයාට වාහන සම්බන්ධ සහය ලබාගන්න පුළුවන්.නමුත් ඔබ ෆේස්බුක් වැනි සාමාජ ජාල වල ඇති ගෘප් වලින් වාහනේ ගැටලු පිළිබඳ උපදෙස් ලබාගන්නවා නම් ඒ ගැන දෙපාරක් හිතන්න.මොකද උපදෙස් දෙන කෙනාගේ වාහන පිළිබඳ දැනුම සහ වෘත්තිය පලපුරුද්ද ඔබේ වාහනයට නොගැළපෙන්න පුළුවන්.නමුත් සමස්තයක් වශයෙන් වාහන පිළිබද දැනුම වැඩි කරගන්න මේ ගෲප් සැහෙන පිටුවහලක් වෙනවා.
-
නිවැරදි ආධාරක
අද කාලයේ අලුත්ම වාහන වල විවිධ අංගෝපාංගයන් රැසකින් සමන්විත වෙනවා. කෝප්ප රඳවන සහ දුරකතන රඳවන කියන්නේ ඉතාම සරල ආධාරක දෙකක්. සාමාන්‍ය භාවිතයට ගැලපෙන සයිස්වලින් තමයි මේ අධාරක සවි කරලා තියෙන්නේ. ඔයාගේ අවශ්‍යතා උවමනාවන්ට ගැළපෙන විදියට මේවල සයිස් එක වෙනස් කරගන්න. එ වගේම ඔබට අනවශ්‍ය හෝ භාවිතා නොකරන ආධාරක ඉවත් කරන්න. ඒ වගේම ඔබ අලුතෙන් ඇතුලත් කරන කප් හෝල්ඩර්,ෆෝන් හොල්ඩර් වගේ දේවල් රථයේ ආරක්ෂාකාරී බවට තර්ජනයක් නොවන විදියට සවිකරන්න. උදාහරණයක් විදියට අනතුරකදී එයා‍ර්බෑග් එළියට එන තැන ඔබ ෆෝන් හොල්ඩර් එකක් සවිකරලා තිබ්බොත් ඔබට සිදුවෙන අනතුර දෙගුණ තෙගුණ වෙන්න පුළුවන්. ඒ නිසා ඒ ගැන විශේෂයෙන් සැලකිලිමත් වෙන්න.
-
ඇතුළත පෙනුම
සාමාන්‍යයෙන් ඕනම කෙනෙක් කාර් එක සර්විස් කරන්න අරන් ගිහින් හරි ගෙදරදිම හරි බොඩි වොෂ් කරනවා. හැබැයි කාර් එකේ පිටත පෙනුම වගේම ඇතුළතත් ඉතාම වැදගත්. මොකද වාහනේ ඇතුළේ තමයි ඔයා වැඩිම කාලයක් ගත කරන්නේ. පාපිසින සුමානෙකට සැරයක්වත් පිරිසිඳු කරන්න. සීට්ස් වැක්‍යුම් කරන්න. කෘමීන්ට ගහන බෙහෙත් ටිකක් විදින්න. එයාර් ෆ්‍රෙෂ්නර් එක ඉවර වෙලා නම් ඒකත් මාරු කරන්න.කාර් වැකූම් ක්ලිනර් වල ලංකාවේ මිල ගණන් ඉහළ නම් ඔබට හොඳ තත්වයේ වැඩි බලයක් තිබෙන එකක් Ebay, Aliexpress වැනි වෙබ් අඩවී හරහා ගෙන්වා ගන්න පුළුවන්. මේ වගේ පොඩි පොඩි දේවල් වලින් ඔයාගේ සෞඛ්‍ය වගේම වාහනෙ දීර්ඝ කාලීන පැවැත්මටත් ඉතාම උපකාරී වෙනවා.
-
බැබළෙන ගතිය
වාහනයේ එළිය පිරිසිඳු කරන්න කලින් ඇතුළත පිරිසිඳු කරලා ඉන්න කියන එක තමයි අපේ උපදෙස. මොකද පිටතින් වාහනය කොච්චර ලස්සන උනත් ඇතුළ අපිරිසිදු සහ අපිළිවෙල නම් ඔක්කොම මහන්සිය අපරාදේ. දැන් ඔබ ඇතුළත ගැන වගබලාගෙන ඉවරයි නම් පිටත පෙනුම ගැන බලමු. අද කාලයේ වාහන වැක්ස් ඉතාම කාර්යක්ෂමව වාහනයේ තිබුණු දිස්නය ඒ විදියටම නැවත අරන් දෙන්න උපකාරී වෙනවා. අහිතකර UV කිරණ සහ රසායන ද්‍රව්‍ය වලින් වාහනය ආරක්ෂා කරගන්නත් වැක්ස් උපකාරී වෙනවා.
-
තෙල්/ දියර පාලනය
පෙනුම ගැන වග බලාගෙන ඉවරයි දැන්. ටිකක් තාක්ෂණික දේවල් ගැන සැළකිලිමත් වෙන්න වෙලාව ඇවිත්. වාහනයේ ඉන්ධන තියෙනවද කියලා අවධානයෙන් ඉන්න එක සාමාන්‍ය දෙයක්නේ. ඒත් වාහනයට අවශ්‍ය දියර වර්ග සහ අනෙකුත් ඔයිල් වර්ග ගැනත් හොඳ අවධානයෙන් ඉන්න ඕනේ. මෝටර් ඔයිල්, පවර් ස්ටියරින් දියර මට්ටම සහ කූලන්ට් මට්ට්ම හරි විදියට පවත්වාගෙන යනව නම් වාහනේ කාර්යක්ෂමතාව ඉතාම ඉහළ මට්ටමක තියෙනවා. මේ ගැන වැඩි විස්තර මැනුවල් එකේ අඩංගු වෙනවා.
-
අනතුරු ඇඟවීම්!
කලිනුත් කිව්වා වගේ නවීන වාහන එන්න එන්නම දියුණු වෙනවා. ප්‍රශ්න මොනාද කියලා වාහනේ එක එක කොටස් බල බල හොයපු කාලේ ඉවරයි දැන්. වාහනවල අලුත් සිස්ටම් තියෙනවා මොනවහරි දෙයක් රියදුරුට දැනුම් දෙන්න පුළුවන් විදියට. සීට් බෙල්ට් දාලා නැද්ද, දොරක් වැහිලා නැද්ද, පෙට්‍රල්/ ඩීසල් මදිද වගේ දේවල් වාහනේ ඔයාට දැනුම් දෙනවා. ඩෑෂ්බෝඩ් එකේ විවිධ සංඥා සහ ශබ්ද ගැන අවධානයෙන් ඉන්න. වාහනෙන් දැනුම් දෙන්න පුළුවන් හැම අනතුරු ඇඟවීමක් ගැනම වාහනේ මැනුවල් එකේ විස්තරාත්මකව සඳහන් වෙලා තියෙනවා.
|
මේ ආටිකල් එක ගැන ඔබට හිතෙන දේ කමෙන්ට් එකක් දාල යන්න අමතක කරන්න එපා 🙂
|
ඔයාලත් වාහනයක් ගන්න හරි විකුණන්න හරි ඉන්නවනන් careka.lk එකෙන් නොමිලේම වැඩේ කරගන්න පුලුවන් – දැන්ම වෙනස බලන්න. CLICK HERE
✔️✔️✔️😮😮😮👩💻👨👩👧👧🎓