දියුණු වෙන ලෝකයේ දවසින් දවස අලුත් දේවල් අපේ ජීවිත වලට එකතු වෙනවා. අපේ අවශ්‍යතා උවමනාත් දවසින් දවස වෙනස් වෙනවා. ඉතින් මේ දේවල්වලට අනුව අපි පාවිච්චි කරන දේවල් වෙනස් කරගන්නත් අපිට සිද්ධ වෙනවා. වාහන කියන්නෙත් ඒ ගණයටම අයිති දෙයක්. අලුතෙන් වාහනයක් අරන් කාලයක් පාවිච්චි කරලා ආයෙත් විකුණනකොට ගත්ත ගාණටම විකුණන්න ටිකක් අමාරුයි. ඒත් වෙළෙඳපොළේ ලබාගන්න පුළුවන් හොඳම මිල ලබාගන්නත්, රස්තියාදු නොවී ඉක්මනට වාහනේ විකුණගන්නත් ඔබට කරන්න පුළුවන් දේවල් මොනවාද කියලා අද අපි ඔබට කියනවා.
ලියකියවිලි
වාහනයට අදාල ලියකියවිලි සියල්ල නිසි පරිදි සකසා ගන්න. රක්ෂණ සහතික, ආදායම් බලපත්‍රය,ලීසිං පහසුකමක් ලබාගෙන එය ගෙවා අවසන් කර ඇත්නම්, ගෙවා අවසන් කල බවට සහතික කරන ලද ලිපිය (Deletion letter),හිමිකම් පැවරීමේ සහතික (Transfer forms/MTA 06) ආදි සියලුම දේවල් රැස්කරගෙන එවායෙහි නිවැරදිබාවය හා වලංගුභාවය පරීක්ෂා කර සුදානම් කරගන්න.වාහනේ හිමකම් පැවරීම සම්බන්ධව ගැටලු තිබෙනවා නම් රජයේ නිල සහය දුරකථන අංකය වන 1919 වෙත අමතා සහය ලබා ගන්න.ඒ වගේම මෝටර් රථ ප්‍රවාහන දෙපාර්තමේන්තුවෙ වෙබ් අඩවියෙන් මේ සම්බන්ධවව තොරතුරු ලබාගන්න පුළුවන්.ලියාපදිංචි හිමිකම් පැවරීමේදී අනුගමනය කලයුතු ක්‍රියා පටිපාටිය දැන ගැනිමට ලිපිය අවසානයේ පහලින් ඇති ලින්ක් පාවිච්චි කරන්න. ඒ සම්බන්ධ ගාස්තු පිිළිබඳ දැන ගැනීමටත් ලිපිය අවසානයේ ලින්ක් එක සඳහන් කරල තියනවා.
වාහනය සූදානම් කිරීම
ලියකියවිලි සියල්ල සකස් කරගත්තට පස්සෙ ඔබේ වාහනය ගැන බලන්න.සුළු වැඩ ගැන හොඳ අවධානයක් යොමු කරොත් ඔබේ මෝටර් රථයේ වටිනාකම පහසුවෙන් වැඩි කරගන්න පුළුවන්. ඔබේ මෝටර් රථය ගැනුම්කරුවන්ට හැකි තරම් ආකර්ශනීය කිරීමට උත්සාහ කරන්න.මතක තබා ගන්න, අලුත්ම හෝ වඩා මිල අධික මෝටර් රථවල බොඩි එකට සිදු වූ හානි අළුත්වැඩියා කිරීමෙන් ඔබ විකුණන විට වැඩි වටිනාකමක් එකතු කරගන්න පුළුවන්.අප blog එකෙහි ඇති වාහනය නිවැරදිව සෝදන විදිය,වේලන විදිය සහ වැක්ස් කරන විදිය යන ලිපි වලින් ඔබට මේ පියවරෙදී ලොකු ප්‍රයෝජනයක් ලැබේවි. Click Here
- ඔබේ මෝටර් රථය ඉතා හොඳින් පිරිසිදු කරන්න
- Air freshener එකක් ඔබේ මෝටර් රථයේ අභ්‍යන්තරයේ ඇති දුගඳ නැතිකරනවා වගේම වාහනේ ඇතුලට එන කෙනෙක්ට නැවුම් බවක් ලබා දෙනවා
- ඔබේ මෝටර් රථයේ ඇතුළත හා පිටත හොඳින් පිරිසිදු කරන්න. මෙමඟින් මෝටර් රථය හොඳින් රැකබලා ගෙන ඇති බවට ගැනුම්කරු විශ්වාස කරනවා.
- අත්‍යවශ්‍ය දේ පරීක්ෂා කරන්න
- ටයර් වලට නිවැරදි මට්ටමෙන් හුළං පොංපකර ඇති බවට වග බලා ගන්න.
- තෙල්, coolant සහ brake fluid මට්ටම පරීක්ෂා කරන්න.
- මූලික විද්‍යුත් අයිතම පරීක්ෂා කරන්න.(බල්බ, පවර් ශටර්ස්)
- සුළු අලුත්වැඩියාවන්
- ලාභදායී නව car mats (carpets) කට්ටලයක් පැරණි මෝටර් රථයක පෙනුම අලුත් කිරීමට උපකාරී වෙනවා.
- Alloy wheel වලට වී ඇති හානි අළුත්වැඩියා කිරීම කරන්න පුළුවන්.
- වාහනයේ පිටත සීරීම් වලට අවදානය යොමු කරන්න. සුළු මුදලකට ඔබට මේවා අලුත්වැඩියා කරන්න පුළුවන්.
- අමතර වටිනාකමක් එකතු කිරීම
- සම්පූර්ණ සේවා ඉතිහාසයක් පෙන්නුම් කළ හැකි නම් ඔබ විසින් මෝටර් රථය හොඳින් නඩත්තු කර ඇති බවට ඒවා සාක්ෂි වන බැවින් එම පැරණි රිසිට්පත් ෆයිල් එකක තබා ගැනීම වැදගත්.
වාහනය ඔබ විසින්ම විකුණාගත හැකි ආකාරය
ඔබේ ප්‍රචාරණය කරන ලද විකුණුම් මිල අනුමාන මත පදනම් නොකර ගැනීමට වග බලාගන්න. ඒ වෙනුවට පිළිගත් ආයතනයක්/ පුද්ගලයෙකුගේ තක්සේරු සහය ලබා ගැනීමට උත්සාහ කරන්න. මිල තීරණය කරගත් පසු ප්‍රචාරණය කිරීම එහෙම නැත්නම advertise කිරීම සාර්ථක අලෙවියක් සඳහා ඔබේ පළමු සහ අත්‍යවශ්‍ය පියවරයි.
ඔබට දැන්වීම් පළ කළ හැකි බොහෝ ක්‍රම තියෙනවා. සමහරක් නොමිලේ, තවත් සමහරකට කීයක් හරි වියදම් කළ යුතු වෙනවා. ඔබේ වෙළඳ දැන්වීම් තෝරා ගැනීම බොහෝ විට තීරණය වන්නේ ඔබේ මෝටර් රථය විකිණීම කෙතරම් හදිසිද යන කාරණය මතයි.
වාහනයක් විකුණා ගැනීම සඳහා වඩාත් ජනප්‍රිය ක්‍රම කිහිපයක් නම්:
- වාහන විකිණීමේ දැන්වීම් පල කරන වෙබ් අඩවි
- සමාජ ජාලා වල දැන්වීම පල කිරීම (ෆේස්බුක් Group මේ සඳහා ගොඩක් ජනප්‍රියයි) – careka.lk Facebook Group – Click Here
- බ්‍රෝකර්කරුවෙක්ගේ මාර්ගයෙන්
- ඔබගේ මෝටර් රථයේ එක් කවුළුවක ‘විකිණීමට’ ලකුණක් (For Sale) දැමීම
- පුවත්පත් දැන්වීමක්
මේ මොන ක්‍රමය භාවිතා කලත් ඔබේ දැන්වීම මඟින් මෝටර් රථය නිවැරදිව විස්තර කළ යුතු අතර පහත විස්තර ඇතුළත කිරීම වඩා යෝග්‍ය වෙනවා:
- වර්ගය සහ මාදිලිය (make & model)
- නිෂ්පාදනය සහ මෙරට ලියාපදිංචි කල වර්ෂය
- ඔටෝද මැනුවල්ද කියන එක (Auto/Manual)
- වර්ණය
- සැතපුම් ගණන (mileage)
- තත්වය – කෙටි විස්තරයක් (උදා: 1st Owner)
- වාහනේ විශේෂාංග උදා: Turbo/Air bags
- ඔබව සම්බන්ධ කරගත හැකි තොරතුරු -වාහනය විකිණීම සඳහා තාවකාලික දුරකථන අංකයක් භාවිත කිරීම මගින් දුරකථන මාර්ග වලින් සිදුවන විවිද අක්‍රමිකතා වලින් ආරක්ෂා වෙන්න පුලුවන්, මේ සඳහා ස්ථාවර දුරකතන අංක [Land Phone] භාවිතයෙන් වලකින්න
- වාහනය හා සම්බන්ධ උපකරණ
- සම්පූර්ණ සේවා ඉතිහාසය (අවශ්‍ය නම්)
- නිෂ්පාදිත රට
- වාහනයේ මිල විවෘතව සඳහන් කිරීම වඩා යෝග්‍ය වේ
- වාහනය විකිණීමේදී එහි ගැනුම්කරුවන් පැමිණ පරීක්ෂා කරන ස්ථානය (inspection location) ලෙස තමුන් ජීවත්වන නිවස සඳහන් කිරීම තරමක risk එකක් තියෙන වැඩක්, ඒ මොකද කියනවනම් විවිදාකාර නන්නාදුනන පුද්ගලයන් වාහනය පරික්ශාකිරීම සඳහා පැමිණීම මඟින් ඔබගේ පුද්ගලිකත්වය වගේම ආරක්ෂාවටත් යම් තර්ජනයක් එල්ල විය හැකියි. පහුගිය කාලසීමාවේ මේහා සමාන සිදිධි රැසක් වාර්තා වෙලා තියනවා. ඒ නිසා Park & Go වැනි කිසිඳු ගස්තු අයකිරීමක් නොමැතිවම වාහන විකුනාදෙන මෙම අලුත් සේවාවන් ලබා ගෙන මේ risk එක අවම කර ගන්න පුලුවන්.
ඔබේ මෝටර් රථය online විකිණීම
ඉහත සඳහන් කල වාහන විකුණ ගන්න ක්‍රම අතරින් ඉක්මන් සහ ලාභදායීම ක්‍රමය විදිහට online ක්‍රමය හඳුන්වන්න පුළුවන්. මතක තබා ගන්න, ඔබ ඕනෑම දෙයක් අන්තර්ජාලය හරහා විකිණීමේදී ෆොටෝස් ඉතා වැදගත්. විවිධ කෝණවලින් පින්තූර ගණනාවක් ගෙන ඒවා හොඳ තත්ත්වයේ ඇති බවට වග බලා ගන්න. උදා; වාහනේ පින්තූර ගන්න හොඳට ආලෝකය ඇති තැනකට යන්න, වාහනයේ පින්තුරයේ පසුබිමේ (image background) ඇති දේවල් ගැන සැලකිලිමත් වෙන්න, ඒ වගේම නම්බර් ප්ලේට් එකේ අවසාන නම්බර්ස් තුන කවර් කරන එකත් වඩා යෝග්‍යයි.
ඔබේ මෝටර් රථය online මඟින් ප්‍රචාරණය කිරීම සහ විකිණීමේ වාසි සහ අවාසි කිහිපයක් ඇත:
වාසි
- වඩා පුළුල් ප්‍රේක්ෂක පිරිසකට ඔබට ප්‍රවේශය ලබා දෙයි.
- පින්තූර ඇතුළුව වාහනය ගැන වැඩි විස්තර ලබා දීමට ඔබට ඉඩ සලසයි.
- වියදම ඉතාමත් අඩුයි.
- ගෙදර සිටම දැන්වීම පල කිරීමේ පහසුකම.
- අපගේ careka.lk වෙබ් සයිට් එකේ දැම්මොත් ඔබට වාහනය ගැන video එකක් පවා දැමීමේ පහසුකම ලැබෙනවා.
- නොමිලේම ඔබේ වාහනයේ දැන්වීම් careka.lk වෙබ් අඩවියේ පල කරන්න පිවිසෙන්න https://www.careka.lk/
- වාහනය අතරමැදියෙක් ලවා විකුණාගන්නට අවශ්‍ය වන ගාස්තු හා කොමිස් මුදල් ඔබට ඉතිරි වෙනවා
අවාසි
- වාහනයේ සම්බන්ද දුරකථන අමතුම් වලට ඔබට answer කරන්න වෙනවා වගේම ඒ පැමිනෙන සෑම ඇමතුමකටම වාහනය පිලිබඳව විස්තර කිරීමෙන් සිදුවෙනව.මෙය තරමක් boring වැඩක්.
- ඒ වගේම වාහනේ බලන්න එන අයට වෙලාව වෙන් කරන්න ඔබට සිදුවෙනවා වගේම බොහෝ වේලාවට මේ සඳහා ඔබගේ weekends එකක් දෙකක් කැපකිරීමට ඔබට අනිවාර්යයෙන්ම සිදුවෙනවා
- සමහර වෙබ් අඩවි වලට ඔබට දැන්වීම පල කිරීම සඳහා ගාස්තුවක් ගෙවන්න වෙනවා
*මේ වගේ ප්‍රශ්න,කරදර වලට තියෙන හොඳම සහ ලේසිම විසඳුම විදිහට දැනට ලෝකයේ දියුණු රටවල් වල භාවිතා වාහන විකුණාදීමේ සේවාව දැන් අපේ රටේ දීත් ඔබට මාලඹේ හා නිට්ටඹුව නගරයන් හිදී නොමිලයේම ලබාගැනීමට පුලුවන්. Click here for Park & Go
Online ක්‍රමය මගින් අනාගත ගැනුම්කරුවන්ට වාහනය පිළිබඳ ප්‍රශ්න ඔබ වෙත එවන්න පුළුවන්. ඒ සියල්ලටම ප්‍රතිචාර දැක්වීම කරදරයක් විය හැකි අතර උනන්දුවක් දක්වන ගැනුම්කරුවන් සමඟ සම්බන්ධතා ගොඩ නඟා ගැනීමටද එය ඔබට අවස්ථාව ලබා දෙයි. දැන්වීම් විස්තරයේ හැකි තරම් විස්තර ඇතුළත් කිරීමෙන් බොහෝ ප්‍රශ්න වළක්වා ගන්න පුළුවන්.
විකුණුම් මිල සාකච්ඡා කිරීම
පුද්ගලික ගැනුම්කරුවන් සමඟ හොඳ මිලක් සාකච්ඡා කිරීමට ඔබට උදව් වන මෙම මූලික ඉඟි අනුගමනය කරන්න:
- මෝටර් රථයට සිදුව ඇති හානි ගැන අවංක වන්න. නමුත් වැරදි පමණක් ඉස්මතු කරන්න යන්න එපා.
- ඔබ ඔබේ මෝටර් රථය විකිණීමට ලොකු හදිස්සියක් නොමැති නම්, අඩු මිලවල් ප්‍රතික්ෂේප කිරීමට බිය නොවන්න.
- වාහනය බැලීමට පෙර ගැනුම්කරු ඔබේ මිල අඩු කිරීමට උත්සාහ කරන විට ඔබ ප්‍රතිචාර දක්වන ආකාරය සැලසුම් කරන්න.
- ඔබේ ගැනුම්කරු “ඔබේ හොඳම මිල කුමක්ද?” යැයි ඇසුවොත්, ඔබේ මිල අඩු කිරීමට ඕනෑවට වඩා උනන්දු නොවන්න.
- යමෙකු හාස්‍යජනක ඉල්ලීමක් කළහොත් කෝප නොවී ඔබ ඔබේ මිලට පැමිණි ආකාරය පැහැදිලි කරන්න.
- නම්‍යශීලී වීමට ඔබේ උපරිමය කරන්න – ගැනුම්කරුට ඔබ ගැන හොඳ හැඟීමක් ලබා දෙන්න.
- ඔබේ ගැනුම්කරු “මම මෝටර් රථයට කැමතියි, නමුත්…” යැයි පවසා නිශ්ශබ්දතාවයක් තිබේ නම්, “ඔබ කොපමණ මුදලක් ගෙවීමට කැමතිද?” යනුවෙන් විමසන්න.
- අසාධාරණ නොවන මිලක් ගැන ස්ථිරව සිටින්න. ඔබ මෝටර් රථය ප්‍රචාරය කරන විට අවම මිලක් මතකයේ තබා ගන්න. නමුත් එය ඔබේ ගැනුම්කරුට නොකියන්න.
- ගැනුම්කරුවන් ඔබ හා සම්බන්ධ වීමට පටන් ගත් මොහොතේ සිට තවත් පුද්ගලයින් උනන්දුවක් දක්වන බවත් ඔවුන් වාහනය බැලීමට පැමිණීමට සැලසුම් කර ඇති බවත් ඔවුන්ට දන්වන්න.
- ගැනුම්කරු හෝ කාර්මිකයෙකු විසින් ඔබව බිය ගැන්වීමට ඉඩ නොදෙන්න. ඔවුන් සාධාරණ ගැටළු හඳුනා ගන්නේ නම් මිල පහත දමන්න. නමුත් ඒවා සාධාරණ නොවේ නම් එම ගනුදෙනුව තව දුරටත් ඉදිරියට ගෙන යාමෙන් වළකින්න.
Dealer කෙනෙකුට විකිණීමේදී මිල ගැන සාකච්ඡා කිරීම
ඔබේ මෝටර් රථය වෙළෙන්දෙකුට විකිණීමෙන් ඔබට ඔබේ මෝටර් රථය ප්‍රචාරය කිරීමට හෝ ගැනුම්කරුවන් හමුවීමට අවශ්‍ය නැති නිසා ඔබේ කාලය හා ශ්‍රමය ඉතිරි වේ. නමුත් ඔබට ලැබෙන්නේ පුද්ගලිකව විකිණීමකට වඩා අඩු මුදලක්.
ලිපියෙහි ලින්ක් එකතුව
- වාහන search කරන්න – careka.lk search click here
- ඉදි‍රියටත් ආටිකල් කියවන්න ෆලෝ කරන්න – careka.lk FB page click here
- කාර් wash පිළිබඳ ලිපිය – Click Here
- වාහන මිලදී ගැනීම ගැන ලිපිය – Click Here
- Park & Go සේවාව – Click Here
- careka.lk Facebook Group – Click Here
- ලියාපදිංචි හිමිකම් පැවරීමේදී අනුගමනය කලයුතු ක්‍රියා පටිපාටිය දැන ගැනිමට – මෙතන ක්ලික් කරන්න.
- ලියාපදිංචි හිමිකම් පැවරීමේදී ඒ සම්බන්ධ ගාස්තු පිිළිබඳ දැන ගැනීමට – මෙතන ක්ලික් කරන්න
|
ඔබේ මිතුරන්ටත් මේ ලිපිය වැදගත්වෙයි කියල හිතනවනන් පහලින් තියෙන සෝශල් මේඩියා බටන් වලින් ශෙයා කරන්න අමතක කරන්න එපා 🙂
|
ඔයාලත් වාහනයක් ගන්න හරි විකුණන්න හරි ඉන්නවනන් careka.lk එකෙන් ලේසියෙන් කිසිම අමතර ගාස්තු නැතුව වැඩේ කරගන්න පුලුවන් – දැන්ම වෙනස බලන්න. CLICK HERE
🧠👁️✔️✔️✔️✔️