“මචං වාහනේ පාක් කරලම තියල බැටරිය ඩෙඩ් උනානේ” මේ කතාව ඔයත් සමහර විට අහල ඇති.
පවතින කොරෝනා ප්‍රශ්නයත් එක්ක ගොඩක් අයට තමන්ගෙ වාහනය වැඩිපුර කාලයක් එක තැනක නවත්තලා තියන්න සිදු වෙලා ඇති, මේ විදිහට වාහනේ තිබ්බට පස්සෙ වාහනේට නොයෙකුත් ප්‍රශ්න එන්න ඉඩක් තියනවා.
ඉතින් අමාරුවෙ වැටෙන් නැතුව වාහනයක් දිග කාලයක් නවත්වලා තියන්න වැදගත් වෙන ටිප්ස් ටිකක් අද අපි ඔබට ලබා දෙන්න සූදානම්.
- වාහනේ පිරිසිදු කරන්න, වැක්ස් කරන්න
වාහනේ හෝදල පිරිසිදු කරල පාක් කරල තිබ්බොත් නොයෙකුත් හානි වලක්වගන්න පුළුවන් වෙයි. උදාහරණයක් විදිහට වාහනේ ඇතුලෙ ආහාර අපද්‍රව්‍ය වලට නොයෙකුත් සතුන් ආකර්ශණය වෙන්න පුලුවන්. ඒ වගේම වාහනයේ පිටත තියෙන සමහර පැල්ලම්(කුරුලු අපද්‍රව්‍ය) කාලයක් යද්දි පේන්ට් එකට හානි කරන්න පුලුවන්. පිටත වැක්ස් එකක් කරල තියන්න පුළුවන් නම් ගොඩක්ම වාහනෙ පේන්ට් එක පරිස්සම් කරගන්න උපකාරී වෙයි.
- ඉන්ධන අඩුවෙන් තියන්න එපා
ගොඩක් අයට හිතෙන්න පුළුවන් වාහනේ දුවන්නේ නැත්තම් මොකටද ඉන්ධන කියල, නමුත් මේකෙ අපිට නොපෙනෙන පැත්ත තමයි ගොඩක් ඉන්ධන අඩුවෙන් දිග කාලයක් වාහනෙ තිබ්බොත් ඉන්ධන ටැංකිය ඇතුලෙන් දිරන්න නැත්තම් මල මඳින්න ඉඩක් තියෙන එක. ඉතින් ඒ අවදානම අඩුකරන්න පුළුවන් ඔබට ඉන්ධන පුරවලා වාහනේ නවත්වලා තිබ්බොත්.
- ටයර් ටිකක් වැඩිපුර වාතය පොම්ප කරල තියගන්න
ඔබ මාසයක් වගේ වාහනය එකම තැනක නවත්වලා තියෙද්දි ටයර් වල ෆ්ලැට් ස්පොට් නැත්තම් ටයර් වල මතුපිට යම් හානි සිදුවෙන්න පුලුවන්. ඒ නිසා හොඳට වාතය පොම්ප කරල තියාගන්න, වැඩිපුර පොම්ප කරන්න පුළුවන් නම් වඩාත් හොඳයි. සතියකට වරක් වත් ඔබේ ටයර් වල තත්වය පරීක්ෂා කරන්න. වාතය අඩුයි වගේ දැක්කොත් ඔබට පුළුවන් කුඩා වායූ පොම්ප උපකරණයක් මගින් නිවසේදීම වාතය පොම්ප කරන්න (මෙවැනි උපකරණ දැන් අඩු මිලට මිලදී ගන්න පුලුවන්).
මාසයකත් වඩා දිගු කාලයක් වාහනයක් කිසිම ආකාරයකින් පාවිච්චි වෙන්නේ නැත්තම්, වාහන කාර්මිකයින් නිර්දේශ කරන්නේ ඔබේ රෝද කට්ටලය ගලවා තබන ලෙසටයි, නමුත් ඔබට මේ සඳහා වාහනේ කොන් හතරටම ජැක් ආධාරක හෝ එවැනි ක්‍රමයක් යොදා ගන්න වෙනවා.
- ඔබේ එන්ජින් කුටීරය සතුන්ගෙන් ආරක්ෂා කරගන්න
ඔබේ නිවසේ මීයන් සහ අනෙකුත් සතුන් ඉන්නවනම් එන්ජින් කුටීරය වටේ චෝක් එකක් නැත්තම් කෘමි පලවාහරින හුණු ආලේපයක් පාවිච්චි කරන්න පුලුවන්, ඒවගේම මීයන් සඳහා අදාල උපක්‍රම භාවිතා කරන්න. මොකද මීයන් වගේ සතුන්ට ඔබේ වාහනේ විදුලි පද්ධතියට බරපතල හානි කරන්න හැකියාවක් තියෙන නිසා.
- වාහනය වහලක් යට පාක් කරන්න නැත්නම් කවරයක් පාවිච්චි කරන්න
වාහනයක් අනිවාර්‍යෙන් යම්කිසි ආවරණයක් සහිතව පාර්ක් කරන එක ඉතාම වැදගත්, වහලක් යට නම් එහි ලීක් තියනවද කියල සැලකිලිමත් වෙන්න, වහලක් නොමැති නම් වාහන සඳහා තිබෙන කවරයක් පාවිච්චි කරන්න. හොඳම දේ, ඔබ වාහනේට ආදරෙයි නම් මේ ක්‍රම දෙකම පාවිච්චි කරන එක.
- සතියට සැරයක් වත් වාහනේ ස්ටාට් කරල බැටරිය චාර්ජ් වෙන්න දෙන්න
කාලයක් වාහනේ පාක් කරල බැටරිය සවුත්තු වෙලා අමරුවෙ වැටුන අය අනත්තව අපිට හමුවෙනවා. ඒ නිසා සතියකට සැරයක් වාහනේ ස්ටාට් කරල ඒසී ඔන් කරල විනාඩි 20 ක් වත් තියන්න. ඒසී ඔන් කරන එකෙන් ඔබේ වාහනේ ලයින් වල ලීක් වීම් වලක්වා ගන්න පුලුවන්. ඔබට බෑටරිය චාජ් කරගන්න ස්ටාර් කිරීමට අමතරව, ස්මාර්ට් බැටරි චාජර් එකක් උනත් පාවිච්චි කරන්න පුලුවන්. (වෙළඳපොලේ ඔබට මෙය මිලදී ගන්න පුලුවන්)
ඔබට මේ වගේ සතියකට සැරයක් වාහනේ ස්ටාට් කරන්න විදිහක් නත්තම් මාසෙකට වඩා වාහනේ පාක් කරල තියන්න වෙන වෙලාවක වාහනේ බැටරිය ගලවලා තියන එක තමයි ඇඟට ගුණ. කාලයක් තිස්සෙ නවත්තලා තිබුන වාහනේක බැටරිය බැහැල නම් ඔබට බැටරිය ජම්ප් කරන්න වෙනවා, මේ ගැන ආටිකල් එකක් අපි පළකරල තියෙනවා ඔබට ඒ මගින් මේ ගැන වැඩිපුර තොරතුරු දැනගන්න පුලුවන්. ලින්ක් එක – බැටරි සම්බන්ධ ආටිලක් එක
- ටිකක් පරණ වාහනයක් නම් හෑන්ඩ්බ්‍රේක් රිලීස් කරල තියන්න
ඔබ වාහනේ සමතලා තැනක නම් පාක් කරල තියෙන්නෙ, වාහනේ හෑන්ඩ්බ්‍රේක් රිලීස් කරල ගලක් තැබීමෙන් බ්‍රේක් පෑඩ් වලට වෙන්න පුළුවන් හානි අවම කරගන්න පුලුවන්. හැබැයි ආපසු ස්ටාට් කරන වෙලාවට හෑන්ඩ්බ්‍රේක් යොදන්න අමතක කරන්න එපා.
- ආපසු වාහනෙ දුවන්න ලෑස්ති වෙද්දි බොනට් එක ඇරල පරීක්ෂා කරන්න
කාලයක් තිස්සෙ නවත්තලා තිබුන වාහනයක් ආපහු දුවන්න ලෑස්ති වෙද්දි අනිවාර්‍යෙන් බොන්ට් එක ඇරල, එන්ජින් කුටීරය පරීක්ෂා කරන්න සතුන්ගෙන් හානි වෙලාද කියල. ඒ වගේම ඔයිල්, සහ අනෙකුත් දියර කිසි ප්‍රමාණයට තියනවද කියල බලන්න අමතක කරන්න එපා.
අපි මේ කියපු දේවල් පිළිපැද්දොත් ඔබට වාහනේ අනවශ්‍ය රෙපෙයාර්ස් වලට යන්න පුලුවන් ගොඩක් වියදම් ඉතිරි කරගන්නත් වාහනේ කල්පැවැත්ම වැඩි කරගන්නත් පුළුවන් වෙයි.
මුලාශ්‍රය – Top Gear Magazine
තවත් මෙවැනි වටිනා ආටිකල් – Careka Blog Home
|
ඔබේ මිතුරන්ටත් මේ ලිපිය වැදගත්වෙයි කියල හිතනවනන් පහලින් තියෙන සෝශල් මේඩියා බටන් වලින් ශෙයා කරන්න අමතක කරන්න එපා 🙂
|
ඔයාලත් වාහනයක් ගන්න හරි විකුණන්න හරි ඉන්නවනන් careka.lk එකෙන් ලේසියෙන් කිසිම අමත‍ර ගාස්තු නැතුව වැඩේ කරගන්න පුලුවන් – දැන්ම වෙනස බලන්න. CLICK HERE
