ප්‍රමාදයන් සහ ට්‍රැෆික් හැරුණු විට ඔබගේ ගමන් සැලසුම් කඩාකප්පල් කළ හැකි තවත් දෙයක් තමයි car sickness කියන්නේ. Car sickness ගැන ඔබ දැනගත යුතු සියල්ල සහ එය වළක්වා ගැනීමට ඔබට කළ හැකි දේවල් මේ ලිපියේ අඩංගු වෙනවා.
- Car Sickness යනු කුමක්ද?
Car Sickness කියන්නේ ඔබ මෝටර් රථයකින් හෝ වෙනත් වාහනයකින් ගමන් කරන විට ඔබට දැනෙන රෝග තත්ත්වයක්. එය බොහෝ දුරට කුඩා දරුවන්ට සහ මගීන් ලෙස ගමන් කරන ගර්භනී කාන්තාවන්ට බලපාන නමුත් ඕනෑම කෙනෙක් එයින් පීඩා විඳින්න පුලුවන්. පර්යේෂණ වලින් සොයාගෙන තිබෙන විදියට 18% ක් දෙනා වැඩිහිටියන් ලෙසත් මෙමඟින් පීඩා විඳිනවා. මේ ගැටලුව බොහෝ ළදරුවන්ට සහ කුඩා දරුවන්ට බලපාන්නේ නැති වුණත්, විශේෂයෙන් වයස අවුරුදු 02 සිට 12 දක්වා ළමුන් මේ රෝගී අවදානමට ලක්වෙනවා.
- Car Sickness ඇති වන්නේ ඇයි?
නැවත නැවත ඇතිවන චලන මඟින්, උදාහරණයක් විදියට බම්ප්ස්/ ගැටිති මතින් අධික ලෙස ගමන් කිරීමෙන් වෙන චලන නිසා Car Sickness ඇති වෙන්න පුලුවන්. සමබරතාවය පාලනය කිරීමට උපකාරී වන අභ්‍යන්තර කන මඟින් ඔබේ ඇස් දකින දේ ගැන මොළයට විවිධ සංඥා සම්ප්‍රේෂණය කරනවා, කලින් කියූ ආකාරයේ චලන නිසා හුවමාරු වන ව්‍යාකූල වූ පණිවිඩ මඟින් ඔබට අසනීප බවක් දැනෙනවා.
කුඩා දරුවන් car sickness වලට විශේෂයෙන් ගොදුරු වීමට හේතුව මෙයින් පැහැදිලි වෙනවා. ඔවුන් පොතක් කියවමින් හෝ ජනේලයෙන් පිටත නොපෙනෙන ලෙස මෝටර් රථයක පිටුපස අසුනේ හිඳගෙන සිටිනවා නම්, ඔවුන්ගේ අභ්‍යන්තර කනට චලනයන් දැනෙන නමුත් ඔවුන්ගේ ඇස් සහ ශරීරයට එසේ වන්නේ නැති නිසා car sickness වීමට ඇති සම්භාවිතාව ඉහළයි.
- Car Sickness ලක්ෂණ මොනවාද?
Car Sickness ලක්ෂණ පුද්ගලයාගෙන් පුද්ගලයාට වෙනස් විය හැකි නමුත් සාමාන්‍යයෙන් දැකිය හැකි ලක්ෂණ වන්නේ:
- ඔක්කාරය
- වමනය
- කරකැවිල්ල
- කටෙහි කෙළ වැඩි වීම
- නිදිබර ගතිය
- හිසරදය
- ආහාර රුචිය නැතිවීම
සාමාන්‍යයෙන් නම් ඔබ ගමන් කිරීම නැවැත්වූ විට මේ රෝග ලක්ෂණ නැතිවී යනවා. නමුත් සමහර පුද්ගලයින්ට ඒවා නැති වීමට පැය කිහිපයක් ගත වෙනවා.
- Car Sickness වැළැක්වීම සඳහා මෝටර් රථයක වාඩි වීමට හොඳම ස්ථානය කුමක්ද?
බොහෝ අය කියන්නේ මෝටර් රථයක ඉදිරිපස අසුනක වාඩි වී සිටීම ඔවුන්ගේ රෝග ලක්ෂණ අඩු කරන බවයි (විශේෂයෙන් දිගු ගමන් වලදී). පර්යේෂණ මඟින් මෙය තහවුරු වී ඇති අතර, මෝටර් රථයක පිටුපස අසුනේ හිඳීම රෝගීන්ගෙන් 75% කට Car Sickness ඇතිවිය හැකි නරකම ස්ථානය බව සොයාගෙන තිබෙනවා.
නමුත් සමහර අයට නම් පිටුපස අසුනේ වැතිරී ඇස් වසාගෙන සිටීම මඟින් අසනීප හැඟීම ලිහිල් කරන බවත් සොයාගෙන තිබෙනවා. ඔබේ හිස හෙඩ් රෙස්ට් එකට හේත්තු කර තබා ගැනීමෙන් ද ගැටලුව තවත් උග්‍ර විය හැකියි. කළ හැකි හොඳම දෙය නම් ඔබට වඩාත් සුවපහසු වන්නේ කුමන ස්ථානයද යන්න ඔබම පරීක්ෂා කර බැලීමයි.
- ඔබට Car Sickness වළක්වා ගත හැකිද?
Car Sickness සඳහා මැජික් ප්‍රතිකාරයක් නැහැ, නමුත් ඔබ හෝ ඔබ සමඟ ගමන් කරන අයෙකු එයින් පීඩා විඳිනවා නම්, රෝග ලක්ෂණ අඩු කිරීමට හෝ වළක්වා ගැනීමට ඔබට කළ හැකි දේවල් ගණනාවක්ම තිබෙනවා.
- විද්‍යුත් උපකරණ කියවීමෙන් හෝ භාවිතා කිරීමෙන් වළකින්න: Car Sickness ඇති අය Mobile Phone, පොත්පත්, වීඩියෝ සහ ක්‍රීඩා වැනි දෑ කියවීම/ නැරඹීම/ භාවිතා කිරීම යන සියල්ල නොකර සිටීමට උත්සහ කරන්න.
- වස්තුවක් වෙත අවධානය යොමු කරන්න: ඔබ ගමන් කරන විට, අවධානය යොමු කිරීම සඳහා ක්ෂිතිජයේ ස්ථාවර ස්ථානයක් දෙස කෙළින්ම බලන්න. මෝටර් රථ පසු කිරීම වැනි චලනය වන වස්තූන් දෙස බැලීමෙන් වළකින්න.
- ප්‍රධාන මාර්ගවල ගමන් කිරීමට හැකිතාක් උත්සහා කරන්න: Car Sickness ඇති වීමට බලපාන ප්‍රධාන හේතුවක් වන්නේ පටු, සුළං සහිත කුඩා මාර්ගවල ගමන් කිරීමයි. දුර සුළු වශයෙන් වැඩි වූවත් ප්‍රධාන මාර්ගවලම ගමන් කිරීමට උත්සහ කරන්න.
- ගමනට පෙර අධික ලෙස ආහාර ගැනීමෙන් වළකින්න: පිරුණු බඩක් නිසා Car Sickness උග්‍ර විය හැකියි, එබැවින් ගමනට ටික වේලාවකට පෙර සහ ගමන යන අතරතුර විශාල ආහාර වේලක්, කුළුබඩු සහිත ආහාර හෝ මත්පැන් පානය කිරීමෙන් වළකින්න. අනිත් අතට හිස් බඩකින් ගමන් කිරීමත් හොඳ අදහසක් නෙමෙයි. මෙමඟින් ද ඔක්කාරය ඇති විය හැකියි. බිස්කට් වැනි වියළි, කුඩා කෑමක් ගන්න.
- අවධානය වෙනතකට යොමු කිරීමේ ක්‍රම භාවිතා කරන්න: අසනීප වීම ගැන සිතීමෙන් තත්ත්වය වඩාත් නරක අතට හැරෙන්න ඉඩ තිබෙනවා. රේඩියෝ එකට/ සංගීතයට සවන්දෙන්න, සියලු දෙනාට සහභාගි විය හැකි සංවාදයක් ගොඩනඟන්න. දරුවන්ගේ අවධානය වෙනතකට යොමු කිරීමට ගීතයක් ගායනා කරන්න වුණත් ඔබට පුලුවන්.
මේ සියල්ලෙන් සාර්ථක ප්‍රතිඵල ලබාගන්න නොහැකි වුණොත්, Car Sickness රෝග ලක්ෂණ සමනය කිරීමට උපකාරී වන ඖෂධ ෆාමසි වලින් ලබාගන්න පුලුවන්. වැඩිහිටියන් හා වයස අවුරුදු 10 ට වැඩි ළමයින්ට භාවිතා හැකි පැච් සහ ද්‍රාව්‍ය ටැබ්ලට් මීට ඇතුළත්වෙනවා. ඖෂධීය පිළියමක් අත්හදා බැලීමට අවශ්‍ය නම්, ප්‍රති-රෝගී ගුණ ඇති බවට බොහෝ දෙනා විශ්වාස කරන ඉඟුරු, ටැබ්ලට් ස්වරූපයෙන් හෝ බිස්කට් ලෙස හෝ තේ කෝප්පයක් පානය කිරීමෙන් සිරුරට ලබා දෙන්න ඔබට හැකියාව තිබෙනවා. කෝපි වැනි කැෆේන් සහිත පාන වර්ග වලින් වළකින්න. මේවා විජලනය වීමට හේතු වන අතර ඔක්කාරය නරක අතට හැරෙන්නත් හේතු වෙනවා. මේ ක්‍රම අත්හදා බැලීමට ප්‍රථවම අනිවාර්යෙන්ම වෛද්‍යවරයකුගේ සහය ලබාගන්න.
|
තවත් මෙවැනි වටිනා ආටිකල් – Careka Blog Home
|
ඔබේ මිතුරන්ටත් මේ ලිපිය වැදගත්වෙයි කියල හිතනවනන් පහලින් තියෙන සෝශල් මේඩියා බටන් වලින් ශෙයා කරන්න අමතක කරන්න එපා 🙂
|
ඔයාලත් වාහනයක් ගන්න හරි විකුණන්න හරි ඉන්නවනන් careka.lk එකෙන් ලේසියෙන් කිසිම අමත‍ර ගාස්තු නැතුව වැඩේ කරගන්න පුලුවන් – දැන්ම වෙනස බලන්න. CLICK HERE
