වාහනයේ පේන්ට් එක කියන්නේ ඕනෙම වාහනයක අපි දකින පළවෙනි දෙය. පේන්ට් එකෙ දිලිසෙන පෙනුමෙන් වාහනයේ පෙනුමට අමුතු අඩම්බරයක් ලබා දෙනව වගේම වාහනයේ වටිනාකමටත් ලොකු බලපෑමක් කරනවා. ඉතින් ඒ වගේම දුර්වල පෙනුමක් තියන පේන්ට් එකකින් වාහනයේ වටිනාකම ගොඩක් අඩු කරන්න පුලුවන්.
අලුතෙන් වාහනයෙක් පේන්ට් කරනවා කියන්නෙ ගොඩක් වියදම් වෙන වැඩක් කියල අමුතුවෙන් කියන්න ඕනෙ නෑනේ. ඉතින් අද අපි කතා කරන්නේ වාහනයේ පේන්ට් එකේ ශයින් එක වගේම තත්වය කල් පවත්වාගෙන රැකගන්නෙ කොහොමද කියල.
- වාහනය හරි විදිහට හෝදමු
අපි හැමෝම වාහනේ හෝදන්න දන්නවා කියල නේද හිතන්නේ ? හැබැයි පරිස්සමෙන් ! අපි වාහනේ හෝදන්න සබන් කුඩු, සබන්, ඩිශ්වොශ් වගේ දේවල් පාවිච්චි කරොත් පේන්ට් එකට හානි වෙන්න පුලුවන්, මේ ඒවගේ දේවල් වල තියන ආම්ලික ගතිය නිසා.
ඉතින් වාහනය තමන් විසින් හෝදගන්නවා නම් අනිවර්‍යෙන් පෙණ සහිත නිසි කාර් වොශ් දියරයක් යොදාගන්න.
ඒ වගේම වාහනේ කුරුලු අපද්‍රව්‍ය වගේ වැටිල තියනවා නම් ඉතා ඉක්මනින් ඒවා ඉවත් කරන්න. ටික දවසක් ඒවා තන්පත් වෙලා තිබ්බොත් කල්පවතින පේන්ට් හානි බවට ඒවා පත්වෙන්න පුලුවන්.
වාහනය නිසි පරිදි සතියකට සැරයක් වත් හෝදන්න අමතක කරන්න එපා මොකද පේන්ට් එක රැකගන්න පුලුවන් හොඳම, වැදගත්ම ක්‍රමය මෙය නිසා.
වාහනය හෝදන හරි විදිහ මේ වීඩියෝ එකෙන් බලන්න
- වාහනේ හේදුවාට පස්සෙ අනිවාර්‍යයෙන් වේලන්න අමතක කරනන් එපා
වාහනේ හේදුවාට පස්සේ නිකම්ම වේලෙන්නෙ අරිනවා කියන්නේ පේන්ට් එකට ලොකුම හානියක් වෙන ක්‍රියාවක්. මොකද වාහනේ රැඳෙන වතුර පැල්ලම් වල කුනු රැඳෙන නිසා. ඒ නිසා අනිවාර්‍යෙන් වාහනෙ හේදුවාට පස්සෙ මරික්‍රෝ ෆයිබර් රෙදි කෑල්ලකින් පිසදා වාහනේ වේලගන්න.
- සින්තටික්/සෙරමික් කෝටින්
ඔබට වාහනේ පේන්ට් එක ආරක්ෂා කරගන්න පූලුවන් තව ක්‍රමයක් තමයි සින්තටික් කෝටින් එකක් ආලේප කරන එක. මෙය සීරීම් සහ සුලු හානි වලින් පේන්ට් එක ආරක්ෂා කරගන්න ලොව පුරා ජනප්‍රිය වෙච්ච ක්‍රමයක්.
- පොලිෂ්
ඔබට වාහනේ පේන්ට් එක හිරු එලියෙන් සහ සියුම් වාත අපද්‍රව්‍ය වලින් ආරක්ෂා කරන්න පුලුවන් තව ක්‍රමයක් තමයි පොලිෂ් ආලේප කිරීම, ඔබ වාහනේ සෝදා වියලාගත් පසු ඔබට ආලේපයක් මගින් පොලිෂ් ආලේප කරන්න පූලුවන්. නැත්නම් කාර්මිකයෙකු ලවා නිසි පරිදි ආලේප කරගන්න.
- කාර් වැක්ස්
ඔබ හොඳින් වාහනය සෝදා වේලා ගත් පසුව ඔබට කාර් වැක්ස් යොදන්න පුලුවන්. මේක හරියට කරොත් ඔබේ වාහනයට හිරුඑලිය අපද්‍රව්‍ය වලින් සිදුවන හානිය මාස 6ක් දක්වා අඩු කරගන්න පුලුවන්. නමුත් මෙය නිසි කාර්මිකයෙකු ලවා නිසි පරිදි කරගත යුතුයි කියන එකයි අපේ නිර්දේශය.
- වාහනේ උෂ්ණත්වය ගැන සැලකිල්ලෙන්
වාහනේ නිසි පරිදි නඩත්තු කරල දියර චෙක් කරල පාවිච්චි කරොත් වාහනය අනවශ්‍ය විදිහට රත් වෙලා පේන්ට් එකට සිදු වෙන්න පුලුවන් හානිය වලක්වා ගන්න පුලුවන්.
- පේන්ට් බුබුලු
වාහනේ පේන්ට් බබ්ල් ඇවිත් නම් ඉතාම ඉක්මණින් ඒක කාර්මියෙකු ලවා පරික්ෂා කරගෙන නිසි පිලියමක් යොදන්න මොකද මේ බුබුලු අතරින් වතුර ඇතුලට ගියාම වාහනය දිරන්න උනත් පටන් ගන්න පුලුවන් නිසා.
- පොඩි සීරීම්
ඔබේ වාහනේ පොලිශ් කිරීමෙන් පසුත් යම් සීරීම් තිබේනම්, කාර්මියෙකු ලවා ටච් අප් කරගන්න කියන එක තමයි අපේ නිර්දේශය. ටච් අප් පෙන්(Touch up Pen) වගේ දේවල් එතරම් ඒ වැඩේට සුදුසු වෙන්නේ නෑ මොකද පේන්ට් එකට සිදු උන හානියක් නම් නිසි ලෙස අලුත්වැඩියා කරන්න පුලුවන් නිසි කාර්මිකයෙකුටම තමයි.
|
ඔබේ මිතුරන්ටත් මේ ලිපිය වැදගත්වෙයි කියල හිතනවනන් පහලින් තියෙන සෝශල් මේඩියා බටන් වලින් ශෙයා කරන්න අමතක කරන්න එපා 🙂
|
ඔයාලත් වාහනයක් ගන්න හරි විකුණන්න හරි ඉන්නවනන් careka.lk එකෙන් ලේසියෙන් කිසිම අමත‍ර ගාස්තු නැතුව වැඩේ කරගන්න පුලුවන් – දැන්ම වෙනස බලන්න. CLICK HERE
