වාහනේ A/C ගැන දැනගන්නම ඕනෙ වටිනා ටිප්ස් ටිකක්

අපි වගේ සමකාසන්න ‍රටක වාහන පදවද්දී A/C කියන්නේ නැතුවම බැරි දෙයක්. A/C එක කැඩුන දවසක කොළඹ වාහනයක් අරන් ගිහින් තියනවා නම් මේ ගැන අමුතුවෙන් කියන්න අවශ්‍ය නෑ. ඉතින් අපි අද කතා කරන්න යන්නේ A/C පද්ධතිය නිසියාකාරව පවත්වාගෙන යන එක වගේම, A/C වල අනවශ්‍ය ගැටලු මඟහරවා ගන්නේ කොහොමද කියන එක.

1. ස්ටාර්ට් කරන්න කලින් A/C දාන්න එපා

ගොඩක් අය රිය පැදවීමට පෙර A/C ඔන් කරනවා. කෙසේ වෙතත්, එසේ කිරීමෙන් කාලය හා ඉන්ධන යන දෙකම අපතේ යන්න පුලුවන්. එන්ජිමේ ක්‍රියාකාරීත්වය එක්ක A/C කම්ප්‍රෙශර් එකට වඩාත් පහසුවෙන් ක්‍රියා කළ හැකි නිසා ඔබේ මෝටර් රථය ස්ටාට් කරාට පස්සෙ A/C වඩාත් කාර්යක්ෂමව ක්‍රියා කරයි.

ඒ නිසා හැමවෙලාවෙම වාහනේ ස්ටාට් කරාට පස්සේ A/C ඔන් කරන්න. ඔබ රිය පැදවීම ආරම්භ කිරීමට පෙර ඇතුළත ඇති උණුසුම් වාතය ඉවත් කිරීම සඳහා මෝටර් රථයේ දොර සහ ජනෙල් විවෘත කිරීමෙන් මෝටර් රථය ඉක්මනින් කූල් කරගන්න පුලුවන්.

2. වාහනේ වීදුරු අඳුරු කරන්න ඕනෙද ?

ඔබේ මෝටර් රථයේ අභ්‍යන්තරයට හිරු එළිය ඇතුළු වන තරම අඩුවන තරමට, එහි උෂ්ණත්වය සිසිල්ව තබා ගැනීමට A/C ක්‍රියා කිරීම අඩු වේ. නවීන මෝටර් රථවල වීදුරු UV සහ බොහෝ අධෝරක්ත කිරණ අවහිර කිරීමට පුලුවන් උනත්, දෘශ්‍ය ආලෝකයෙන් ආරක්ෂා වීමට එය ප්‍රමාණවත් වෙන්නෙ නෑ. එය වීදුරුව හරහා විනිවිද යන විට, එය අධෝරක්ත කිරණ බවට පරිවර්තනය වන අතර, එමගින්, ඇතුළත සිරවී, ඇතුලත උණුසුම් කරයි.

ඉතින් ඔබට වාහනේ වීදුරු මදක් අඳුරු කර (ටින්ට්) හෝ වින්ඩෝ ශේඩ් පාවිච්චි කර මේක විසඳ ගන්න පුලුවන්. හැබැයි මේව කරද්දී රටේ පවතින නීති රීති උල්ලංඝනය නොකිරීමට වග බලා ගන්න.

3. අවුරුද්දකට සැරයක් වත් A/C චෙක් කර ගන්න

A/C කියන්නේ පාවිච්චි කරන කාලෙත් එක්ක අනිවාර්‍යෙන් නැවත පරීක්ෂා කරගන්න ඕනෙ දෙයක්, මොකද A/C Refrigerant එකේ ලීක් වගේම A/C Condenser එක අපවිත්‍ර වීම් වගේ දේවල් වෙන්න පුලුවන් නිසා. මේ වගේ ප්‍රශ්න උනාම A/C එක හරියට වැඩ කරන්නේ නෑ ඒවගේම කූල් වෙන්න නෑ. අනිත් දේ තමයි අකාර්‍යක්ෂම A/C පද්ධතියක් නිසා ඉන්ධන උනත් වැඩිපුර නාස්ති වෙන්න පුලුවන්. ඉතින් අඩුම ගානේ මාස 6කට අවුරුද්දකට සැරයක්වත් කාර්මිකයෙකු ලවා A/C එක පරීක්ෂා කර ගන්න.

4. අපවිත්‍ර A/C ෆිල්ටර් පාවිච්චි කරන්න එපා

අපිරිසිදු වායු පෙරහන්( A/C ෆිල්ටර්) ඔබේ මෝටර් රථයේ වායු සමීකරණ පද්ධතිය බිඳවැටීම පිටුපස ඇති විශාලතම හේතුවක්. ෆිල්ටර් මගින් A/C පද්ධතියට ඇතුලු වන දූවිලි, අපිරිසිදු වාතය සහ පරාග වැනි අපද්‍රව්‍ය පෙරීම සිදු කරයි. කාලයත් එක්ක, ඒවා අවහිර වෙන්න පුලුවන් ඉතින් වායු පෙරනය නැත්නම් ෆිල්ටර් එක අනිවාර්‍යයෙන් පරීක්ෂා කරල මාරු කරගන්න.ඔබේ මෝටර් රථයේ අපවිත්‍ර ෆිල්ටර් නම් තියෙන්නේ වායු සමීකරණ පද්ධතිය වාතය තල්ලු කිරීමට වඩා වෙහෙස මහන්සි වී, ඉන්ධන පරිභෝජනය වැඩි කිරීම සහ සිසිලන කිරීම අඩු කිරීම කියන දේවල් සිද්ධ වෙනවා. මේකට ලොකු මුදලක් වැය වෙන්නේ නෑ. ඔබට වාහනේ සර්විස් කරන ගමන්ම මේක කර ගන්න පුලුවන්.

5. මොකද්ද මේ Recirculation Mode කියන්නේ

ඔබ වාහෙනේ A/C එකේ මේ වගේ ඔප්ශන් එකක් ඔබ දැකල ඇති.

ඉතින් මේ ඔප්ශන් එක ඔන් කරාම වාහනේට පිටින් වාතය එන්නේ නෑ, විශේෂයෙන් පිටත දුම් සහිත සහ රස්නේ වෙලාවක Recirculation ඔප්ශන් එක අනිවාර්‍යෙන් පාවිච්චි කරන්න, මොකද නැත්නම් පිටත දුම සහ උණුසුම් වාතය වැඩිපුර ඇතුලට එන්න පුලුවන් නිසා. ඒ වගේම Recirculation ඔප්ශන් එකෙන් ඉක්මනට වාහනය සිසිල් කරගන්න. හැබැයි ඔබ පහත කරුණු ගැනත් සැලකිලිමත් වෙන්න ඕනෙ.

Bonus Tip – ඔබ පැය 3කට 4කට කට වඩා දිග වෙලාවක් A/C එකදිගට ඔන් කරගෙන Recirculation Mode ගමන් කරනවානම් විවේකයක් අරන් වාහනේ දොර හෝ ජනෙල් ඇරල පිරිසිදු වාතය ටිකක් එන්න දෙන එක හොඳයි,නැත්නම් Recirculation Mode එක Off කරලා Fresh Air Mode එක සැරින් සැරේට පාවිච්චි කරන්න. මොකද එකදිගට Recirculation Mode එකේ තියනවා කියන්නේ අලුත් පිරිසිදු වාතය වාහනේ ඇතුලට එන්නේ නැති නිසා ඔබ ආශ්වාස කරන්නේ නැවත නැවත ප්‍රාශ්වාස වෙච්ච වාතය නිසා.

6. අව්වේ පාක් කරන එක පුලුවන් තරම් අඩු කරන්න

හැකි සෑම විටම, ඔබේ මෝටර් රථය සෙවණෙහි නවතා තැබීමට උත්සාහ කරන්න. හිරු එළිය නිසා ඔබේ වාහෙනේ අංශක 30කින් පමණ වැඩිපුර රත් වෙන්න පුලුවන් මේක සෙවනේ නවත්වලා තියනවට වඩා ලොකු වෙනසක්.

ඔබට ඔබේ මෝටර් රථය නැවැත්වීමට සෙවණක් සොයාගත නොහැකි නම්, ඔබට ගත හැකි තවත් පියවරක් නම්, ලබා දී ඇති ස්ථානයේ අවදානමක් නොමැති නම්, නවතා ඇති මෝටර් රථයේ ජනේල තරමක් විවෘත කිරීමයි. මෝටර් රථය හරහා වාතය සංසරණය වීමට ඉඩ දුන්නම, රත් වීම අඩු කරගන්න පුලුවන්.

7. සර්විස් කිරීම අවතක්සේරු කරන්න එපා

නිසි කාර්මිකයෙකු ලවා වාහනේ නියමිත කාලෙට පරීක්ෂා කර, සර්විස් කරගත්තොත් A/C පද්ධතියේ නොයෙක් ප්‍රශ්න කලින්ම අඳුනාගන්නත් මහහරවා ගන්නත් පුලුවන්.

8. කාලයක් තිස්සේ වාහනේ නවත්වලා තියනවනම්

ඔබ කාලයක් වාහනේ පාවිච්චි කරන්නේ නැත්නම් A/C පද්ධතිය සතියට සැරයක් වත් විනාඩි 10ක් පමණ ඔන් කර තැබීමෙන් අනවශ්‍ය අලුත්වැඩියා අවම කරගන්න පුලුවන්. කාලයක් වාහනේ නවත්වලා තියන හැටි ගැන සම්පූර්ණ ලිපියක් අපි පල කරලා තියනවා.

9. වහින වෙලාවට

වැස්සක වාහනය පදින වෙලාවක A/C පාවිච්චි කරන එක වඩාත් හොඳයි, මොකද වාහනය අවට වාතය සිසිල් වෙද්දී වාහනයේ වීදුරු විවෘත වෙලා නැත්නම් mist එක වීදුරුව ඇතුලෙන් බැඳෙන්න පුලුවන් නිසා, එහෙම වෙන්නේ අපේ ප්‍රාශ්වාස වාතය එක්ක පිටවෙන ජල වාෂ්ප වලින් වාහනේ ඇතුලත ආර්ධතාවය(Humidity) වැඩිවෙන නිසා, A/C පාවිච්චි කරොත් මේ දේ වෙනවා අඩුයි.

ඒ වගේම ඔබ A/C පාවිච්චි කරද්දී අවට පරිසරය ගොඩක් සීතල වෙලාවක වාහනයේ වීදුරු වල එලියෙන් mist එක බැදෙන්න පුලුවන්, ඉතින් මෙය වලක්වා ගැනීම සඳහා defrost ඔප්ශන් එකක් ගොඩක් වාහන වල ලබා දීල තියනවා. මේකෙන් වෙන්නේ වාහනේ වීදුරුව රත් වෙලා mist එක බැඳෙන එක වලක්වන එක.

Defrost බටන් එක පහල සංකේතය එක්ක හොයාගන්න පුලුවන්